Tilkynna svik með Bitcoin

Þessir póstar hafa verið í gangi í nokkra mánuði.  Þeir eiga það sameiginlegt að allir nota þeir Bitcoin og margir nota sama Bitcoin númerið.  Það eru síður þar sem hægt er að tilkynna svik með Bitcoin á https://www.bitcoinabuse.com eða https://bitcoinwhoswho.com/scams  Sjálfsagt fleiri síður, en ég hef notað þessar.

Þeir, sem fá svona pósta ættu að tilkynna Bitcoin svik sem fyrst.  Engin innskráning er nauðsynleg og engra persónulegra upplýsinga krafist.  Munið að taka út ALLAR persónulegar upplýsingar, s.s. póstfang og nafn áður en pósturinn eða hlutar af póstinum eru límdir inn.

Kveðja,

 


mbl.is Hóta að birta myndir af klámáhorfi
Tilkynna um óviðeigandi tengingu við frétt

Frábært hjá Bezos

Það er mál til komið að það verði stoppað endanlega upp í lygafjölmiðla í lægsta þrepi sorpblaðamennsku í Bandaríkjunum og ég vona að Jeff Bezos láti kné fylgja kviði í þessu máli.  Þetta eru ekkert annað en ribbaldar sem telja sig þess umkomna að búa til fréttir og hótaði svo viðkomandi.  Dusilmennska af verstu sort svo talað sé gætilega!  Enquirer og svipuð sorprit eru gefin út af góðkunningja forsetans og eru langstærstu uppsprettur Fake News hér í Bandaríkjunum.  Vonandi tekur Bezos niður um þetta lið og rasskellir það rækilega þar sem mest svíður - í buddunni!  Farið hefur fé betra en þessi uppsölustöð fyrir Rússabóta og Fake News!

Kveðja,


mbl.is Jeff Bezos varpar sprengju
Tilkynna um óviðeigandi tengingu við frétt

Bullandi tap - frábær rekstur?

Icelandair berst í bökkum og forstjórinn jafn kokhraustur yfir 560 milljóna tapi á mánuði og Skúli Mogensen var fyrir tæpu ári.  Skyldi Icelandair verða næsta félag, sem Bill Franke bætir í safnið?  Hver sem niðurstaðan verður, þá er langt því frá að rekstur Icelandair sé í góðum málum.  Vonandi tekst Icelandair og Wow báðum að finna fótfestu í breyttum og síbreytilegum heimi flugrekstrar. 

Undanfarið ár hefur ekki farið mjúkum höndum um hvorugt félag.  Kannski verða 2019 og 2020 betri þegar ferðamannastraumur fer að hagnast.  Mikill vöxtur í langan tíma er oft erfiður fyrir rekstur því óhjákvæmilega kemur að því að vöxturinn dregst saman.  

Kveðja,


mbl.is „Höfum tækifæri til að gera miklu betur“
Tilkynna um óviðeigandi tengingu við frétt

Icelandair a hausnum líka...

Það hefur ekki farið fram hjá neinum að Wow hefur átt í erfiðleikum eins og andskotast hefur verið í því félagi síðan það fór í fjármögnun um mitt síðasta ár.  En það hefur ekki heyrst stafkrókur á moggablogginu um Icelandair og lítið verið í fréttum um afkomu þess.  Þegja frumspekingar og túristasérfræðingar frekar þunnu hljóði þegar kemur að Icelandair.  Maður veltir fyrir sér tilganginum. 

Þetta byrjaði nánast sama dag og það kom frétt um að Wow væri að nálgast og jafnvel síga framúr Icelandair í farþegafjölda til og frá Keflavík.  Þá varð fjandinn laus.  Tilviljun?  Bloggarar og túristaspekingar urðu hálfruglaðir og allt, sem Wow kom nálægt varð að blýi en Icelandair malaði gull, nema gullið var bara ekkert gull, heldur blý líka, enda erfiðleikar á flugmörkuðum.  Það fer ekkert á milli mála að sú mjög sú neikvæða fjölmiðlaumræða, sem fór af stað með miklum látum um Wow og fjármál þess höfðu mjög neikvæð áhrif á fjármögnun félagsins og bæði það og svo tæknileg vandamál sem komu upp settu félagið nánast í þrot.  En hátt í 7 milljarða tap Icelandair fór að mestu framhjá, enda allir uppteknir við að naga skóinn niður af Wow og Skúla Mogensen.  

Mér fannst illa farið með Wow og að það væri gerð aðför að félaginu.  En Skúli virðist hafa bjargað félaginu fyrir horn, en ég hef grun um að þarna hafi farið milljarðar í súgin.

Kveðja,


mbl.is Tap Icelandair nemur 6,7 milljörðum
Tilkynna um óviðeigandi tengingu við frétt

Innanlandsflug

Mér finnst að ferðamannafólk á Íslandi, sé afar duglegt að mála skrattann á vegginn.  Ég hef ekki mikla trú á að ferðamannastraumur frá Bandaríkjunum minnki tiltakanlega þó Wow hætti að fljúga til LAX og SFO.  Bandaríkjamenn eru vandir að taka fleiri en eitt flug til að komast á áfangastað.  Þegar ég bjó í San Antonio þá hætti maður ekkert að fljúga til Íslands af því Icelandair flaug ekki til San Antonio eða Dallas eða Houston!  Maður einfaldlega flaug til Baltimore og tók Icelandair þaðan. 

Soutwest Airlines flýgur út um öll Bandaríkin og eru oft með mjög ódýrar ferðir.  Stjúpsonur minn t.d. flaug frá Seattle til San Antonio fyrir $123 hvora leið.  Ef ég pantaði núna gæti ég farið með Southwest til Seattle um miðjan júní fyrir allt niður í $107.  Innanlandsflugið væri aðeins lítið brot af heildarkostnaði við ferð til Íslands og þó svo að fargjöld hafi afgerandi áhrif, þá held ég að núna séu lág fargjöld ekki stærsti áhrifavaldurinn. 

Ísland er löngu komið á kortið sem mjög áhugaverður áfangastaður fyrir Bandaríkjamenn.  Fyrir 15 árum vissu fáir hvað var að gerast á Íslandi og af hverju í ósköpunum þeir ættu að fara þangað.  Menn ráku upp mjög stór augu þegar þeir uppgötvuðu að ég var frá framandi landi, sem margir höfðu aldrei heyrt neitt um.  Núna vita allir hvar Ísland er og að þar er mikil náttúrufegurð.  Hrunið, Eyjafjallajökull og Holuhraunið hafa hjálpað til við að koma þessu öllu á samfélagsmiðlana.  Nánast allir ljósmyndarar sem ég fylgi á Instagram hafa annað hvort farið til Íslands eða eru á leiðinni.  Sumir hafa sest þar að til frambúðar!  Stundum finnst mér að allir á IG hafi tekið myndir af Kirkjufelli nema ég (aldrei komið á Snæfellsnes - mér til ævarandi skammar!)

Kveðja,


mbl.is Önnur félög hlaupa ekki í skarð WOW
Tilkynna um óviðeigandi tengingu við frétt

Skilningsleysi

Það er gersamlega fyrir neðan allar hellur að þingmenn séu hangandi á börum í vinnutíma!  Nákvæmlega sama hver á í hlut og í hvaða flokki þeir eru.  Af hverju er svona erfitt að skilja það?  Þetta mál er ekki og hefur aldrei verið pólitískt, sama hvað gerendur vilja vera láta til að drepa málinu á dreif.  Þetta hefur að gera með siðferði og getu til að ákveða hvað er rétt og hvað er rangt.  Fólk, sem telur að þessi framkoma sé réttlætanleg á við siðferðisvanda að stríða ekki pólitískar ofsóknir eins og sumir af klausturkórmönnum hafa reynt að koma fram til að afsaka óafsakanlega framkomu.  

En sumir skilja þetta bara alls ekki og það er lítið hægt að gera en að vorkenna þeim.

Kveðja


mbl.is „Ekkert nýtt“ að fá sér bjór á vinnutíma
Tilkynna um óviðeigandi tengingu við frétt

Fjárveiting - hvers vegna?

Ég skil ekki þetta rugl.  Mexíkó borgar fyrir vegginn.  Trump sagði það og lofaði því að við þyrftum ekki að borga einn dollar, svo allir vita að það er heilagur sannleikur.  Hversvegna þarf ÉG að borga fyrir þetta?

Kveðja frá Trumpistan.


mbl.is Hugsanlega lokaðar árum saman
Tilkynna um óviðeigandi tengingu við frétt

Eftirspurn

Það er sennilega minni eftirspurn en framboð á skoðunum Jóns, en ég held það sé nánast engin eftirspurn lengur eftir skoðunum Vigdísar!  Hinsvegar er nóg framboð, enda lítill skilningur á markaðslögmálum hjá stjórnmálamönnum yfirleitt!

En svona meðal annarra orða: hvenær ætlar Klausturdótið að axla ábyrgð og segja af sér?  Ekki það að ég hafi nokkra einustu trú á að neitt af því fólki hafi manndóm í sér til að bera ábyrgð á neinu.  Af hverju ætti borgarstjóri að vera eitthvað öðruvísi?  Sami grautur í sömu skál!

Jólakveðjur af westurströndinni!

 


mbl.is Sakar Jón Gnarr um kvenfyrirlitningu
Tilkynna um óviðeigandi tengingu við frétt

Ríki Íslams

Hryðjuverkasamtökin ISIS eru langt frá því búin að vera!  Þessi ákvörðun að draga herinn frá Sýrlandi er sennilega sú versta sem gerð hefur verið varðandi öryggi Bandaríkjanna síðan í aðdraganda 9/11 og á eftir að hafa slæmar afleiðingar í Miðausturlöndum.  Sérfræðingar á vegum hersins, heimavarnarráðuneytisins, CIA og fleiri stofnana í öryggismálum eru mjög uggandi yfir þessari þróun mála. 

Það sérkennilega er að þetta er nákvæmlega það sem flestir, þar á meðal Trump, gagnrýndu Obama fyrir - fálæti gagnvart framtíð Sýrlands!  Og það var réttmæti gagnrýni.  Bandaríkin héldu alltof mikið að sér höndum þegar kom að Sýrlandi.  Sennilega vegna þess að þjóðin var þreytt á tveimur stríðum í forsetatíð Bush, sem er svosem skiljanlegt.  En þetta fálæti gagnvart Sýrlandi hefur kostað gífurlegt mannfall, flóttamannastraum, sem á varla sinn líkan og hörmungar fyrir Sýrlensku þjóðina.  Þetta fálæti varð uppsprettan að ISIS.  

En Trump veit allt best og hunsar allar ráðleggingar þeirra, sem raunverulega vita eitthvað!   Með yfirvofandi lokun stofnana eins og heimavarnarráðuneytisins þá er öryggi allra borgara landsins stefnt í voða.  Allt fyrir vegg sem bara þarf stiga til að komast yfir og mun litlu, sem engu breyta.

 

Jólakveðjur að Westan!


mbl.is Sérfræðingur í málefnum Ríki íslams segir af sér
Tilkynna um óviðeigandi tengingu við frétt

Ábyrgir eða bara stikkfrí?

Málfrelsi er hornsteinn lýðræðis og ábyrgð á orðum og gjörðum er líka hornsteinn lýðræðis.  Það er ekki hægt að plokka hornsteina þjóðfélagsins út eftir behag og segja að málfrelsi sé mikilvægt, en ábyrgð sé bara upp á punt. 

Það er búið að búa til pólitískan hráskinnaleik úr þessu máli, sem hefur ekkert með pólitík að gera heldur um grundvallarvirðingu fyrir samferðamönnum sínum.  Er það til of mikils mælst að alþingismenn með sóðakjaft á almannafæri fái að bera ábyrgð á orðum sínum?  Ef þetta fólk hefði farið út í bíl og keyrt hefði það verið látið sæta ábyrgð á eigin gjörðum!  Eða hvað?  Hefði saksóknari bara litið í hina áttina?  

Kveðja


mbl.is Viðbrögðin jafn vitlaus og ummælin
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband