Arnór Baldvinsson

Arnór Baldvinsson

Áhugamaður um nánast hvað sem er.  Starfa sjálfstætt sem tölvuforritari á norðvestur horni Bandaríkjanna þar sem ég hef búið síðan 1999.  Áður hafði ég búið í Danmörku frá 1996 til 1999 en þangað flutti ég frá Reyðarfirði.  Ég er bæði Bandarískur og Íslanskur ríkisborgari.

Árið 1999 kyntist ég konunni minni Susan Pichotta, sem var fædd og uppalin hér í Port Angeles, og við giftum okkur í mars 2000.  Við eigum saman dótturina Lailu Sigurborgu en konan mín á tvö uppkomin börn af fyrra hjónabandi, John Sullivan og Sarah Lewis. 

Við búum núna í Port Angeles í Washington fylki.  Við bjuggum áður í San Antonio, Texas, en fluttum hingað í September 2008.  Árið 2015 varð ég Bandarískur ríkisborgari.

Í föðurætt á ég ættir að rekja til Vestfjarða, nánar tiltekið Hælavíkur á Hornströndum.  Þar bjuggu afi minn Sigurður Sigurðssson og amma mín Stefanía Guðnadóttir þar til þau fluttu til Hesteyrar og síðan Keflavíkur.  Ég ólst upp hjá föðursystur minni, Sigurborgu Rakel Sigurðardóttir og hennar manni, Jóhanni Björgvinssyni, sem bjuggu allan sinn búskap í Grænuhlíð við Reyðarfjörð.  Ég stundaði nám á Bændaskólanum á Hvanneyri, 1979 - 1980.  Fór að vinna við tölvur 1990 og hef unnið við forritun síðan 1997. 

Hér í Bandaríkjunum hef ég unnið bæði að eigin forritum sem við höfum selt og eins að verkefnum fyrir fyrirtæki, bæði stór og lítil.  Hef m.a. unnið að verkefnum fyrir Chevron olíufélagið, PricewaterhouseCoopers í Dallas og Laboratory Corporation of America í Huntsville, Alabama.  Í frístundum hef ég verið að stúdera ljósmyndun og hef mikla unun af útiveru. 

Hér í Port Angeles er mikil náttúrufegurð, fjöll á aðra hönd og Juan de Fuca sundið á hina.  Klukkutíma akstur vestur að Kyrrahafinu.  Leiðin út að Kyrrahafinu liggur í gegnum 3 stærstu regnskóga utan hitabeltisins og hér er að finna hæstu og stærstu tré í heimi!