Milljarðar Kaupþings

Með 9611 milljarða evra eign ætti Kaupþingi ekki að verða skotaskuld úr að koma atvinnulífinu á litla Íslandi á koppinn að nýju.  Mér segir nú svo hugur um að eignirnar séu 9,6 milljarðar evra og að hér hafi blaðamanni skrikað fótur í talnafræðinni.  Sennilega var skýrslan á ensku og þar kom fram að eignirnar væru "9.611 billion euros" sem eru 9,611 milljarðar evra, ekki 9.611 milljarðar;)

Kveðja,

 

Eignir Kaupþings jukust í evrum

Athugasemdir

[Marinó G. Njálsson, 31.10.2010 kl. 18:31]

Ég var einmitt að segja nákvæmlega það sama við konuna.  Það er alltaf áhugavert að sjá þetta með kommu og punkt við þýðingu talna.

[Arnór Baldvinsson, 31.10.2010 kl. 19:19]

Sæll Marinó,

Ég stend sjálfan mig stundum að því að ruglast á þessu, en upphæðin í þessu tilviki ætti að taka af allan vafa.  9,6 billjónir evra eru sennilega meira en samanlögð fjárlög ESB landa og USA;)

Kveðja,

[Eyþór Eðvarðsson í Vilnius, 31.10.2010 kl. 22:36]

Gaman væri ef þjóðin fengi nú að vita hverjir eru raunverulegir eigendur bankanna. Það eru ýmsar sögusagnir í gangi sem myndu ekki leggjast vel í almenning ef réttir væru.