Hvað um Icesave?

Þetta er athyglisvert.  Ekki síst í ljósi þess að ráðherrar og embættismenn settu ríkið í ábyrgð fyrir innistæður í Icesave í Bretlandi og Hollandi og síðan hefur verið hamast af stjórnvöldum til að koma þessari ábyrgð kyrfilega fyrir á herðum íslenskra skattgreiðenda, því meira, því betra! 

Ef yfirlýsingar ráðherra um ríkisábyrgð á innlendum innistæðum eru orðin tóm, hvað má þá segja um gaspur þeirra og íslenskra embættismanna við breska ráðamenn um erlendar innistæður???

Kveðja,

 

Yfirlýsingarnar ekki skuldbindandi

Endurskoðendur

"Þeir hafi haft skjöl undir höndum um raunverulega stöðu og ekki hafi verið kallað eftir upplýsingum sem augljóslega vantaði."

Samkvæmt lögum og reglum um endurskoðendur og eins siðareglum endurskoðenda hér í Bandaríkjunum þá væri þetta algjörlega skýlaust brot á því öllu ef það reynist rétt að PwC hafi vitað um þessi bókhaldsbrot og ekki aðhafst!  Það er skylda endurskoðenda hér að upplýsa og grafast fyrir um allt misræmi í bókhaldi sem gæti hugsanlega stafað af einhverskonar bókhaldsfölsunum. 

Kveðja,

Segja að bókhald Glitnis hafi verið í molum

Lesskilningur og ritvillur

Það var hálf lélegt að lesa þessa grein um árangur íslenskra barna og rekast svo á áberandi ritvillur í fréttinni:

nioðurstöður

þfjóðfélagsstöðu

Held það væri gustuk að gefa mbl.is nokkur eintök af púkanum svo þeir geti leiðrétt:)  Púkinn hérna á blogginu náði báðum ritvillunum hér að ofan:)

Kveðja,

 

Betri árangur í PISA-rannsókn

Íslensk froða

Guðmundur hefur alveg rétt fyrir sér að þessi fyrirtæki voru ekkert nema froða.  Því miður var efnahagslíf Íslands síðasta áratug ekkert nema froða.  Það var ekkert á bak við "góðærið" sem var allt nema gott.  Það voru engar eignir, engar tekjur, ekki nokkur skapaður hlutur á bak við alla froðuna.  Þessi forða gerði Ísland gjaldþrota.  Engin ber ábyrgð á froðunni sem hvarf, froðunni, sem var kölluð Ísland í gamla daga...

Kveðja,

 

„Svo hvarf bara froðan“

Byltingin...

Spurningin er hvað þessi bylting hafði í för með sér?  Breytti hún einhverju og þá hverju?  Ég hef ekki búið á Íslandi síðan 1996 og á mjög erfitt með að gera mér grein fyrir ástandinu, en ég er ekki viss um að neitt hafi breyst...  Ýmsu var vissulega mótmælt og ein sterkustu viðbrögð þjóðarinnar voru felling Icesave samningsins.  En breyttist eitthvað innanlands?  Þriðja veikburða ríkisstjórnin situr enn og hefur lítið áunnist sem hinum tveimur á undan.  Írland, sem styrkum aðila ESB og aðila að myntbandalaginu, átti að vera borgið, en staðan nú sýnir að jafnvel með styrk ESB og Evrunnar á bak við sig, þá fór bankaruglið á Írlandi illa með þjóðarhag alveg eins og á Íslandi.  Spurning hvernig þessu öllu reiðir af...

Kveðja,

 

Búsáhaldabylting á Írlandi

Non-operational assets

Ég skil þetta ekki.  Non-operational assets eru skilgreindar svo á Investopedia.com: "Classes of assets that are not essential to the ongoing operations of a business, but may still generate income or provide a return on investment." (http://www.investopedia.com/terms/n/nonoperatingasset.asp), sem bendir til að orðalagið eigi við félög í eigu Kaupþings?

Hvort heldur eru félög í eigu Kaupþings eða ekki, þá er það með öllu óskiljanlegt hvernig 65% af útistandandi lánum séu veitt félögum sem hefðu aldrei getað greitt þau til baka?  Þessum peningum var komið í umferð án þess að þeir yrðu til.  Ég get ekki séð að þetta sé neitt annað en sönnun þess að það hafi verið rekið peningaþvætti í íslensku bönkunum!  810 milljörðum króna var komið í umferð í íslenska hagkerfinu án þess að þessir peningar væru til - án þess að nokkrar einustu eignir, eða rekstur stæði á bak við þessi fyrirtæki.  Og PricewaterhouseCoopers segir að endurskoðendur hafi ekkert fundið að rekstri bankanna og undirskriftir endurskoðenda hafi verið í samræmi við lög og reglur.  Ég get ekki séð annað en að þetta sé allt ein samansúrruð glæpasaga frá upphafi til enda! 

Kveðja,

 

Fá um 25% lána endurgreidd

Hvernig???

Hvernig verða til skuldir upp á 163 þúsund milljónir hjá litlu fjarskiptafyrirtæki á Íslandi?  Þetta er lauslega hugareiknað rúmlega hálf milljón króna á hvert einasta mannsbarn á Íslandi.  Hvernig hafa þessar skuldir orðið til?  Mér sýnist þetta vera eitthvað um einn og hálfur milljarður dollara.  Höfðatala hér í Bandaríkjunum er u.þ.b. þúsund sinnum sú íslenska svo við værum að tala um eina og hálfa billjón (1.5 trillion) bandaríkjadala sem skuld stærsta símafélags hérna! 

Svona til skemmtilegs samanburðar vil ég nefna að skv. skuldauppgjöri AT&T samsteypunnar 30. September 2010 (sjá: http://www.att.com/Common/docs/Debt_List_093010.pdf) þá skuldaði félagið tæpar 69 milljarða dollara eða rúmlega 1/22 af því sem sambærileg skuld Skipta/Símans á Íslandi er.  Maður bara hristir hausinn yfir þessu!

Kveðja,

Þarf að greiða 74 milljarða