Allir tapa

Það tapa allir á þessu viðskiptastríði og þeir sem mestu tapa eru Bandarískur almenningur og Bandarískur iðnaður.  Héðan frá Port Angeles eru fluttar milljónir trjábola á hverjum mánuði til úrvinnslu í Kína.  Þessi útflutningur er einn af grunnstoðum atvinnulífsins hér.  Ef hann dettur uppfyrir missa nokkur hundruð manns vinnuna.  Í 20 þúsund manna bæ, þá er það mikið mál að halda viðskiptum við Kína í góðu horfi. 

Þessi fíflalæti í kexinu í Hvíta húsinu eiga eftir að hafa mikil og neikvæð áhrif á efnahag Bandaríkjanna á komandi árum.  Kínverjar hafa þegar beint veigamiklum viðskiptum með landbúnaðarvörur frá Bandaríkjunum til Rússlands og annarra landa í Asíu og Evrópu.  

Kveðja,

 

Viðskiptadeilan magnast

Stórhættulegt frelsi

Það virðist sem að þingmenn á hægri vængnum séu óstjórnlega hræddir við konubrjóst.  Að maður tali nú ekki um geirvörtur, sem mætti halda að væru verkfæri djöfulsins, enda um það bil það eina, sem alls ekki má sjást á almannafæri hér í Bandaríkjunum.

Þetta rugl gengur svo langt að samfélagsmiðlar eins og Facebook, Instagram, Twitter og fleiri, sem leyfa myndbirtingu þurfa að hafa þúsundir fólks í fullri vinnu til að finna geirvörtur og stoppa viðkomandi áður en stórhætta skapast.  Eins hafa myndir af listaverkum orðið fyrir barðinu á geirvörtulöggunni og orðið að lúta í lægra haldið gegn "frelsi" löggjafans.

Auðvitað er þetta allt byggt á einhverju trúarrugli og ofstækismenn berja Biblíuna í takt, sem einhverskonar röksemd fyrir allskonar boðum og bönnum, sem eiga lítið erindi í nútíma þjóðfélag.

Breytingar ganga hægt og vafalaust breytist þetta viðhorf einhverntíma, en það er alltaf jafn hlægilegt að sjá "fullorðna menn" verða skíthrædda ef þeir sjá konubrjóst!

 

Kveðja að westan!

Löglegt að gefa brjóst alls staðar í Bandaríkjunum

Kostnaður viðskiptastríðsins

Þetta er kostnaður viðskiptastríðs Bandaríkjanna.  Einfeldningar töldu að Kína og önnur ríki, myndu bara lúffa með það sama og Trump yrði krýndur kóngur, en svo fór ekki.  Kostnaðurinn við vitleysuna lendir á skattborgurum og Bandarískum fyrirtækjum.  Þetta vissu allir, sem vita vildu.  En auðvitað er þetta ekki tollaárás Bandaríkjanna að kenna, heldur vörn þeirra sem ráðist var á.  Þetta er bara byrjunin!

Kveðja að vestan.

12 milljarðar í stuðning til bænda

Einfalt eða sáraeinfalt?

Það eru margar og misflóknar leiðir til að draga úr hraða.  Þar sem ég hef búið í Bandaríkjunum hefur lögreglan stundum hreinlega sest að á erfiðum köflum með radarmæla og hver einasti bíll, sem ekið er yfir hámarkshraða er stöðvaður og sektum beitt óspart.  Það kvisast fljótt út að stífar hraðamælingar séu í gangi og menn hægja á sér.  Í vesturhluta San Antonio í Texas er bæjarhluti, sem kallast Leon Valley.  Lögreglan þar sat um helstu göturnar og ef einhver var svo mikið sem hálfa mílu ofan við var viðkomandi stöðvaður og sektaður!  Hraðakstur þar var nánast óþekktur!

Engar „sáraeinfaldar“ lausnir

Alnorrænn hryðjuverkamaður!

Anders Breivik framdi eitt mannskæðasta hryðjuverk sögunnar þegar hann myrti 77 manns á kaldann og yfirvegaðann hátt fyrir áratug.  Íhaldskommarnir hafa hljótt, því Breivik er átrúnaðgoð hatursmanna lengst til hægri og bæði norrænn og "kristinn".   Ég verð þó að setja trúna í gæsslappir því ég held að svona fyrirbæri beri ekki skynbragð á trú yfirleitt, hver svo sem hún er, né hafi vitsmuni til að skilja um hvað trú snýst.  Einu sinni hefði verið talað um verkfæri djöfulsins, en nú eru svona skoffín puntuð upp sem átrúnaðargoð haturs og hryðjuverkamanna.  Því miður eru alltof margir, sem skilja ekki hættuna við hatrið og á hverskonar glapstigu það leiðir okkur!

 

Minntust fórnarlambanna 77

Æ, æ, aumingja Trump

Það eru allir svo vondir við Trump þessa dagana.  Ég hálf vorkenni honum að þurfa að standa í þessu öllu saman.  En það er gaman að lesa bloggpósta Íslenskra Trumpara, sem eru alveg að faraat þessa dagana.  

Trump er kominn svo langt út fyrir öll velsæmismörk, sem flestir Bandaríkjamenn hafa.  Nú eru uppi vangaveltur hvort hann muni taka tapi eða hvort hann muni gera það sem fyrir flestum Bandaríkjamönnum er algjörlega óhugsandi:  Hunsa lýðræðislegar kosningar.  Ég veit í rauninni ekki hvað það myndi þýða nákvæmlega fyrir Bandarísku þjóðina.  En hann hefur nú vafið um sig mörgum lögum af já-mönnum, sem trúa í algjörri blindni á Trump.  

Fyrir nokkrum mánuðum, jafnvel nokkrum vikum, var hægt að hlægja að þessu.  En því nær sem líður kosningum því alvarlegri verður staða lýðræðis í Bandaríkjunum.  Ef frambjóðandi gefur sér það fyrirfram, eins og Trump hefur gert, að kosningaúrslitin verði "fölsuð" þá er vegið hart að djúpum rótum lýðræðis í landi sem hefur kennt sig við lýðræði allt frá Geroge Washington.

Framtíðin er alltaf óráðin, en Trump heldur á spilum sem erfitt er að spá í.  

Kveðja,

Fórnarlamb ófrægingarherferðar

Þvílíkt endemis rugl!

Fréttir berast nánast daglega af fólki sem er rifið upp með rótum og hótunum og sent erlendis eftir að hafa komið til Íslands sem flóttamenn, byrjað nýtt líf og skotið rótum á Íslandi.  Hverskonar endemis þvæla er þetta?  

Þjóðfélög sem haga sér svona, eru enn föst í miðaldaviðhorfi og hafa ekki komist inn í tuttugustu öldina, hvað þá tuttugustu og fyrstu öldina!  Þetta fólk fær að búa við ótta, óöryggi og vafa jafnvel árum saman og er svo sent eitthvað út í buskann með dags fyrirvara, oftast um miðjar nætur.  Er þessi framkoma sæmandi Íslendingum?  Ef svo er, þá er illa komið fyrir landi og þjóð!

Kveðja,

Sama óvissa þar og hér

Erlend þróun

Bullið fyrir hrunið 2008 var líka afsakað með að það "fylgdi þróun erlendis" hvað varðaði bankastarfsemi og annað þessháttar.  "Þróunin erlendis" hljóp fyrir björg á árunum 2007 og 2007 og íslenski fjármálamarkaðurinn elti eins og álfur út úr hól og setti þjóðina í gjaldþrot.  En þetta er bara gott mál, þetta fylgir "erlendri þróun" og þá er allt í lagi, hversu vitlaus og siðlaus sem hún er!  

Kveðja,

Bónusinn í takti við erlenda þróun

38 milljónir upp í 254 þúsund milljónir

Það hlýtur að vera umhugsunarefni hvernig einstaklingur getur komist í þessa stöðu fjárhagslega.  Það er haft eftir John Paul Getty að ef þú skuldar bankanum hundrað dollara þá er það þitt vandamál, en ef þú skuldar honum hundrað milljónir þá er það vandamál bankans.  

Nú eru lýstar kröfur ekki endilega raunhæfar eða endurspegla nákvæma mynd af skuldastöðu viðkomandi aðila, en það hlýtur að vera umhugsunarefni hvernig einstaklingur getur komist í þá stöðu að lýstar kröfur í þrotabú hans nema rúmlega 13% af vergum þjóðartekjum Íslands árið 2014 skv. tölum Hagstofunnar (1.948,24 milljarðar króna)  Ég held að sem hlutfall af þjóðartekjum þá hljóti þetta að vera heimsmet!

Kveðja

 

Langstærsta gjaldþrot einstaklings

Hryðjuverkamenn

Einfalt, stutt og laggott, þetta eru hryðjuverkamenn, ekkert annað orð á þar við.  Þeir eru í heilögu stríði við Bandaríska ríkið og þar með Bandaríska borgara og ekkert annað að gera en að senda herinn og þjóðvarðliðið inn og taka þetta rugludallalið með valdi og stinga því inn þar sem það á heima.

Kveðja

Kveikir umræðu um kynþátt og hryðjuverk