"Ísland stendur undir skuldum sínum"

Ég er alveg sammála um að Ísland standi undir skuldum sínum.  Ég er hinsvegar ekki sammála um að Icesave eigi að vera talið sem "skuldir Íslands"  Ástæðan er einfaldlega sú að Hollendingar og Bretar stofnuðu til þessarar skuldar, ekki Íslendingar.  Ef Hollendingar og Bretar hefðu farið fram með eðlilegum máta gagnvart hruni Landsbankans og látið þessi mál ganga eðlilega leið, þá væri engin skuld, ekkert Icesave, því eignasafn Landsbankans hefði verið sett á móti þessum skuldum og greitt eftir því sem lög og reglur gera ráð fyrir. 

Ég er líka sammála um að Íslendingar eigi að greiða þetta tjón, en það hlýtur að eiga að fara að lögum og reglum um það, þó Bretar og Hollendingar hafi virt lög og reglur að vettugi með flumbrugangi sínum þegar hrunið varð.  ÞÁ trúðu þeir því ekki að Ísland gæti borgað þetta svo þeir bara ákváðu að gera það sjálfir og senda hræinu svo reikninginn. 

Ísland hefur alla burði til að standa undir skuldum sínum, en "skuldir" sem aðrar þjóðir búa til og senda okkur reikninginn fyrir hljóta að lenda á eftir forgangsskuldum í greiðsluröðinni!

Kveðja,

 

Ísland getur vel borgað skuldina

Athugasemdir

[Marinó Már Marinósson, 9.3.2010 kl. 17:12]

Sammála þér Arnór. :)

[Arnór Baldvinsson, 9.3.2010 kl. 17:24]

Sæll fyrrum sveitungi:)

Ég er bara alveg búinn að fá nóg af að sjá þessa tuggu hafða eftir hverjum embættis og ríkisforystumönnum erlendra ríkja undanfarið.  Það segir mér að málstaður Íslands hefur aldrei verið kynntur og hvað í rauninni gerðist þegar þessir bankar hrundu, og sérstaklega hvernig staðið var að því að knýja Landsbankann í þrot af Bretum.  Þetta þarf að koma fram svo að samningsflöturinn sé réttur í þessum viðræðum. 

Ég geri mér algjörlega fulla grein fyrir því að Icesave skuldir til innistæðueigenda eiga að greiðast, eins og eignasafn Landsbankans gefur tilefni til.  Ekki málið.  En það er ekki það sama og semja um "lán" við Breta og Hollendinga.  Og þetta rugl sem maður sér og heyrir frá frammámönnum erlendis verður einfaldlega að leiðrétta.  Finnar, Svíar og Norðmenn hafa komið með sömu tugguna um að "Ísland getur ekki fengið lán fyrr en þeir hafa staðið við alþjóðlegar skuldbindingar sínar" án þess að skoða málið og sjá að þetta eru EKKI alþjóðlegar skuldbindingar Íslendinga, heldur innanríkisákvarðanir Breta og Hollendinga sem þeir síðan pökkuðu inn og kalla "alþjóðlegar skuldbindingar" Íslendinga. 

En þar sem ég hef ekki línu til þessara ágætu manna þá læt ég mér nægja að bölsótast á blogginu;)

Kveðja,