Sódíum = natríum

Sodium er enska heitið á Na frumefninu, sem á íslensku heitir Natríum!

Sjá http://is.wikipedia.org/wiki/Natr%C3%ADn

Kveðja,

 

Gos og salt valda hjartaáföllum

Athugasemdir

[Dagný, 9.2.2011 kl. 23:38]

Ætlaði einmitt að benda á það sama.

[Vendetta, 10.2.2011 kl. 21:49]

Samt er orðið sódi orðið rótfast í íslenzku, t.d. í vítissódi (natríum hydroxíð, NaOH) og matarsódi (natrón, NaHCO3). Einnig var nafnið pottaska notað fyrir kalíumkarbonat í gamla daga, en það er skylt enska nafninu fyrir kalíum.

[Arnór Baldvinsson, 10.2.2011 kl. 22:27]

Þakka póstana:)  Já það er oft gaman að pæla í þessum orðum og hvernig þau berast á milli tungumála.  Skv. enskri orðabók þá er rót potash í Hollensku, potasschen sem kom frá því að lútur frá viðarösku var látin þorna í járnpottum til þess að fá pottösku - kalíumkarbónat (e. potash)  Þó svo að sódi sé íslenskt orð þá held ég að "sódíum" hafi aldrei náð fótfestu eða verið viðurkennt sem nafn á natríum.  Skv. sömu orðabók er sodium komið úr latínu (SOD(A) + IUM).  Natron er hinsvegar líka til í ensku og er rakið til grísku í gegnum frönsku, spænsku og arabísku. 

Kveðja,