Allir með sögu...

Í fréttinni segir:  "allir með sögu um innbrot hér á landi."  Hér sýnist mér að íslensk frétt sé þýtt úr ensku "All have a history of breaking in"  eða eitthvað í þá áttina. 

Þetta málfar væri hægt að nota ef mennirnir hefðu allir sagt sögur um innbrotaferil, en ég hef grun um að hér sé átt við að þeir eigi afbrotaferil að baki á Íslandi.  Afskaplega klúðurslega orðar svo ekki sé meira sagt!

Kveðja,

 

 

 

Þekktum brotamönnum vísað frá

86,6 milljónir tunna á dag

Samkvæmt því sem ég hef lesið mér til um þá eru stærstu olíubirgðir jarðarinnar í Saudi Arabíu, Íran og Írak, samtals um 400 milljarðar tunna.  Framleiðsla á "sweet crude oil" sem kemur að mestu frá Saudi Arabíu hefur dregist talsvert saman einfaldlega vegna þess að hún finnst í takmörkuðu magni og er mest eftirsótt til framleiðslu á bensínu og öðrum léttum olíuvörum.  Það eru einhverjir milljarðatugir eftir við Alaska, í Norðursjó og Norður Atlandshafi og svo smá pollar hér og þar.  Ef við gefum okkur að það sé tvöfalt á við það sem er í mið-austurlöndum, eða um 800 milljarðar tunna, þá er til vinnanleg olía fyrir notkun í rétt um 9.240 daga eða um 25 ár. 

Þetta er ein ástæðan fyrir því að olíufélögin hafa öll sem eitt skipt um nöfn frá því að vera "oil company" yfir í að vera "energy company" og leita nú  öll með logandi ljósi að orkugjöfum framtíðarinnar því þau vita sem er að einn góðan veðurdag verðum við að venja okkur af olíu hvort sem okkur líkar það betur eða ver.  Það eru takmörk fyrir því hversu lengi er hægt að drekka úr vatnsglasi þangað til það tæmist:) 

Kveðja,

 

Gríðarleg eftirspurn olíu í Kína

Englandsbanki ætlar ekki að greiða skuldir óreiðubanka

Í fréttinni segir m.a.:

"Kemur þar fram að breskir bankar muni þurfa 440 milljarða punda, um 83.720 milljarða króna, fyrir árslok 2012 til að endurfjármagna skuldir sem eru að nálgast gjalddaga og eru þar af um 57.000 milljarðar króna tryggðar af ríkinu, upphæð sem Englandsbanki hefur gefið út að einkabankarnir verði að standa undir."

Mér sýnist hér að Englandsbanki sé að gefa út að breska ríkið ætli ekki að borga skuldir breskra óreiðubanka.  Það verður athyglisvert að fylgjast með því hvernig breskum fjármálum reiðir af á næstu árum. 

Kveðja,

 

Bretar sökkva dýpra ofan í skuldafenið

Mikilvægt að kynna málstað Íslands

Í hartnær eitt og hálft ár hefur lítið sem ekkert verið gert í því að kynna málstað Íslands.  Það gætir misskilnings í málflutningi embættismanna og ráðamanna erlendis sem átta sig ekki á því nákvæmlega um hvað þetta Icesave mál snýst.  Maður sér þetta glöggt í viðtölum við ráðamenn á Norðurlöndunum sem sjá Icesave sem skuldbindingu Íslendinga þó svo að þetta sé skuldbinding Breta og Hollendinga.

Icesave eins og það liggur fyrir, sem ríkisábyrgð á greiðslur úr Tryggingasjóði Innlána, er ekki skuld sem var stofnað til af Íslands hálfu, heldur Breta og Hollendinga, sem þeir vilja knýja Íslendinga til þess að taka yfir.  Ef þeir hefðu látið þessi mál þróast á eðlilegan hátt þá hefði Landsbankinn orðið gjaldþrota og eignir hans hefðu runnið til að greiða innistæðueigendum samkvæmt lögum og reglum.  Bretar og Hollendingar tóki fram fyrir hendur laga og réttar og bjuggu til þetta rugl upp á þeirra einsdæmi.  Það er ekki við Íslendinga að sakast að þeir séu tregir til að semja um greiðslur á "láni" sem þeir tóku ekki og stóðu ekki fyrir "lántökunni". 

Málpípur stjórnvalda hafa allt of lengi verið uppteknar af að segja málstað Ísland slæman og Breta og Hollendinga góðan, svo undarlegt sem það nú er!  Það er mál að linni og að stjórnvöld fái í lið með sér fólk sem getur tekið og kynnt málstað Íslands, sem þýðir væntanlega að leita þarf út fyrir landsteinana svo öfugsnúið sem það nú hljómar!

Kveðja,

 

Hættum að etja flokkunum saman

"Ísland stendur undir skuldum sínum"

Ég er alveg sammála um að Ísland standi undir skuldum sínum.  Ég er hinsvegar ekki sammála um að Icesave eigi að vera talið sem "skuldir Íslands"  Ástæðan er einfaldlega sú að Hollendingar og Bretar stofnuðu til þessarar skuldar, ekki Íslendingar.  Ef Hollendingar og Bretar hefðu farið fram með eðlilegum máta gagnvart hruni Landsbankans og látið þessi mál ganga eðlilega leið, þá væri engin skuld, ekkert Icesave, því eignasafn Landsbankans hefði verið sett á móti þessum skuldum og greitt eftir því sem lög og reglur gera ráð fyrir. 

Ég er líka sammála um að Íslendingar eigi að greiða þetta tjón, en það hlýtur að eiga að fara að lögum og reglum um það, þó Bretar og Hollendingar hafi virt lög og reglur að vettugi með flumbrugangi sínum þegar hrunið varð.  ÞÁ trúðu þeir því ekki að Ísland gæti borgað þetta svo þeir bara ákváðu að gera það sjálfir og senda hræinu svo reikninginn. 

Ísland hefur alla burði til að standa undir skuldum sínum, en "skuldir" sem aðrar þjóðir búa til og senda okkur reikninginn fyrir hljóta að lenda á eftir forgangsskuldum í greiðsluröðinni!

Kveðja,

 

Ísland getur vel borgað skuldina

Sammála!!!

Á dauða mínum átti ég von frekar en því að ég rækist á eitthvað eftir Hannes Hólmstein sem ég væri innilega sammála!!!

 Ég er mjög ósáttur við þá staðreynd að Bresk og Hollensk stjórnvöld greiddu innistæðueigendum í Icesave upp á sitt einsdæmi og langt umfram það sem þeim bara nokkur lagaleg skylda til. Síðan senda þeir reikninginn fyrir öllu saman til Íslands, kalla það lán með vöxtum og hefja innheimtuaðgerðir!

Slíkt hefur ekki gerst svo ég viti til síðan Frakkar sóttu að Haiti 1825 með gífurlegar skaðabætur vegna þess að Haiti lýsti yfir sjálfstæði og frelsaði þrælana og þar með var land og þjóð ekki lengur eign Frakka. Haiti greiddi af "láninu" frá Frökkum í 125 ár og gerði þjóðina gersamlega gjaldþrota - þó ekki hafi bætt alls konar einræðisherrar og rugludallar sem voru svosem ekki mikið skárri heldur en bankaeigendur á Íslandi!

Nú er ég bara allt ekki viss hvernig ég á að eyða deginum eftir að hafa gert þessa stór merku uppgötvun um að vera sammála Hannesi...

Kveðja,

Sé kæruleysi verðlaunað fyllist allt af kærulausu fólki

Gott mál!

Það er mikið að það kemur einhver fram sem þorir að segja að "við semjum ekki um hvað sem er!"  Vonandi heldur beinið í nefinu á þessum nefndarmönnum og kannski grær það aftur í stjórnmálamenn á Íslandi.  Það er búið að væla og gráta allt of mikið út af þessu Icesave máli.  Taka þetta mál bara föstum tökum og klára það með sæmd og heiðri fyrir Íslenska þjóð! 

Kveðja,

 

Semjum ekki um hvað sem er

Allt í kross eins og venjulega

Þetta kemur svo sem ekki mikið á óvart.  Ef einhver hefði haft áhuga á að koma þessu rugli aðeins niður, þá hefði átt að fá erlenda aðila sem voru algjörlega óskyldir íslensku bönkunum til þess að vera a.m.k. meirihluti af skilanefndunum.  En það hefði örugglega orðið til þess að flórinn hefði verið mokaður, a.m.k. verið gripið til skóflu, svo það var auðvitað óhugsandi. 

Ætla íslendingar að hrista af sér aumingjaskapinn og fara að taka á þessum málum?  Ósennilegt, þetta reddast allt saman og hverju skipir þó einhverjir labbi út með þúsund milljarða.  Ekki málið!

Kveðja,

 

Situr beggja vegna borðs

Krafa um vexti

Það hlýtur að verða krafa í IceSave viðræðum að Englandsbanki borgi sömu vexti á innistæður Landsbankans eins og Íslendingar greiði af lánum vegna IceSave. 

Kveðja,

 

Afborganir í Bretlandi enn á vaxtalausum reikningi

Ekki-viðtal

Í þessari frétt er haft eftir Einari að hann hafi "...sagt við blaðamanninn að í fréttum Stöðvar 2 í kvöld hafi verið uppi vangaveltur um stöðu mála í Icesave-deilunni, og sagt að Norðmenn, Þjóðverjar eða Frakkar gætu miðlað málum" 

Svo segir hann:

"„Þetta er algjörlega út í hött,“ segir Einar Karl í samtali við mbl.is. Hann segist ekki hafa slíkar upplýsingar undir höndum. "

Hann segist hafa sagt "að Norðmenn, Þjóðverjar eða Frakkar gætu miðlað málum" en segist svo ekki hafa slíkar upplýsingar undir höndum. 

Er þetta nýtt PR trikk hjá ríkisstjórninni?  Segja eitthvað í samtali við blaðamann og segja svo að þessar upplýsingar séu út í hött og segjast ekki hafa þessar upplýsingar undir höndum.  Svona ekki-viðtöl ná töluvert hátt á "weirdometerinn" hjá mér;)

Kveðja,

 

„Algjörlega út í hött“