Ólögleg ákvæði!

Ég furða mig ekki á að samningsvextir lánasamninganna séu taldir of lágir af bönkunum.  Þeir settu inn ÓLÖGLEG ákvæði um gengistryggingu í lánasamninga.  Þetta er ekkert flókið mál.  Nú þurfa bankar og fjármálastofnanir, sem notuðu ólöglega gengistryggingu að hysja upp um sig buxurnar og láta eins og menn en ekki eins og skælandi kornabörn.  Þessi fyrirtæki tóku þá ákvörðun sjálf að brjóta lög.  Þau voru á engan hátt þvinguð til þess, heldur gerðu þetta upp á sitt einsdæmi og af ásetningi.  Nú er komið að skuldadögunum og aldrei þessu vant þá sitja þessar stofnanir nú við hina hlið borðsins - þessi fyrirtæki brutu lög og þurfa nú að greiða þjófnaðinn til baka til lántakenda.  Þetta er ekkert flóknara en þetta, þó svo að Seðlabankastjóri vilji ekki skilja þetta og bankakerfið í heild sé nú í einum taugaveiklunarkrampa eftir dóm Hæstaréttar sem þurfti ekki að koma neinum á óvart. 

Ef þessir samningar verða ekki látnir standa eins og þeir eru, með ákvæðin um ólöglegu gengistrygginguna fellda niður, þá eru að mínu mati allir lánasamningar við bankana ótrúverðugir og einskis virði.  Ef að bankarnir komast upp með að brjóta lög í áratug og eiga svo að fá borgað fyrir lögbrotin, þá er eitthvað svo mikið að í íslensku þjóðfélagi að það verður ekki reist úr rústum hrunsins. 

Kveðja,

 

Hefðu lækkað vexti meira

Einfalt mál

Þetta er ósköp einfalt mál.  Gengistryggingin var ólögleg en lánasamningarnir ekki.  Kjör samninganna hafa einfaldlega breyst frá því að vera gengistryggð yfir í að vera það ekki.  Þetta er ekkert flóknara mál!  Í staðin fyrir að höfuðstóllinn breytist samkvæmt gengisskráningum, þá verður að niðurfæra hann til þess dags sem lánið var tekið, endurreikna afborganir og vexti frá lánsdegi og gagna frá dæminu. 

Fjármálafyrirtækin verða einfaldlega að fara að lögum hvort sem þau vilja það eða ekki og hvort sem þeim líkar það betur eða ver.  Það er ekki í þeirra valdi að setja lögin í landinu en það er í þeirra valdi að fylgja þeim.  Þó svo að fjármálafyrirtækin hafi komist upp með ólöglegar aðferðir árum saman og glæpsamlega innheimtu ólöglegra afborgana þá hlýtur að koma að því að þessi fyrirtæki verði þvinguð til þess að hlíta landslögum.  Að öðrum kosti er ekki um annað að ræða en að kæra þessi fyrirtæki til lögreglu og láta lögreglu, saksóknara og dómstóla um að sjá um framhaldið. 

Kveðja,

 

Fyrirtæki bera fyrir sig óvissu

Baugur Group

Maður veltir fyrir sér hvort eitthvað sem Baugur kom að getur lifað af.  Þessir "viðskiptajöfrar" sem áttu "Baugsveldið" hafa verið einstaklega "óheppnir" hvað það varðar að allt sem þeir koma nálægt fer á hausinn alveg á nóinu - alltaf á fyrsta farrými þó!  Alveg magnað dæmi!

Kveðja,

Eignalaust Arena Holding

Einfalt mál...

Ég ætla nú að vera svo óforskammaður að leggja þetta mál upp með einni spurningu:  Treystir þú Íslendingum til þess að semja um inngöngu þjóðarinnar í ESB? 

Íslendingar hafa samið yfir sig í gegnum gerninga undanfarinna 10 ára, mestu efnahagshörmungar sem nokkur þjóð hefur orðið að þola á friðartímum.  Þessi sama þjóð ætlar nú að semja um inngöngu í ESB.  Ég treysti ekki Íslendingum til þess að semja um þetta.  E.t.v. ættu Íslendingar að fá Norðmenn til að semja fyrir sig;)  Ég bara hreinlega treysti ekki Íslendingum til þess að semja um þessa inngöngu án þess að það verði gengið á rétt landsmanna og ég óttast að það sem verði undanskilið í þessum samningum eigi eftir að reynast þjóðinni dýrkeypt þegar til lengri tíma er litið.  Hér er um stóra fjármálagerninga að ræða og það er svo langt frá því að Íslendingar hafa óflekkað mannorð í því samhengi! 

Kveðja,

 

Ákvörðunin veigamikið skref

Ólöglegir gerningar

"Ekki er fjarri lagi að álykta að lánasamningarnir hefðu með réttum forsendum frá upphafi kveðið á um lögmæta verðtryggingu, tengingu við vísitölu neysluverðs, og eftir atvikum hærri vexti"

Þetta er allt gott og blessað, EN:  Lánafyrirtækin stóðu sjálf fyrir því að veita ólögleg lán í hátt í áratug!  Það var enginn sem þvingaði þau til þess, þau kusu sjálf að gerast lögbrjótar.  Það var þeirra að setja í samninga lögleg kjör á lánum.  Þau létu það undir höfuð leggjast og settu ólögleg kjör í lánasamninga.  Lánafyrirtækin verða einfaldlega að taka á því vandamáli að þau sjálf hafa brotið landslög á viðsemjendum sínum árum saman.  Önnur lánskjör eru einfaldlega ekki til umræðu á lánum þar sem kjör sem um var samið voru ólögleg.  Þetta er vandamál lánastofnana og þau geta ekki velt einhverjum aukakostnaði af ólöglegum vöxtum og gengistryggingu yfir á einhverjar aðrar, löglegar, leiðir sem þau kusu að fara framhjá og fundu út að það var miklu einfaldara bara að brjóta lögin og bjóða kjör sem þau gátu ekki staðið við með löglegum hætti!  Ef fyrirtæki, eða einstaklingar, brjóta lög, þá verða þau einfaldlega að bera ábyrgð og þann kostnað sem að lögleysu þeirra hlýst.  Svo einfalt er þetta.  

Kveðja,

Lausir endar þrátt fyrir dóm

Billjón, ekki billjarður

Hef reyndar aldrei áður heyrt töluheitið billjarð, en skv. Wikipedia þá er þá þúsund milljón milljónir (http://is.wikipedia.org/wiki/Billjar%C3%B0ur) eða þúsund billjónir. 

Oft eru þessar tölur ruglingslegar því það eru tveir skalar, langur og stuttur.  Skv. langa skalanum samsvarar billjón milljón milljónum, en skv. þeim stutta samsvarar billjón þúsund milljónum.  Bandaríkin nota stutta skalan og því er töluheitin milljarður (milliard) og billjarður ekki notuð hér.  Billjón dollara hér er það sama og milljarður dollara á Íslandi.  Bretar svissuðu yfir í stutta skalann 1974 og tala nú sama "mál" og bandaríkjamenn þegar kemur að þessu. 

Skv. fréttum annarsstaðar frá er hér um að ræða verðmæti sem nema um billjón bandaríkjadollara eða trilljón bandaríkjadollara eins og við myndum segja hér í Bandaríkjunum.  Svo við höfum þetta í tölustöfum þá er billjón = 1.000.000.000.000 dollarar.

Hinsvegar eru margir sem sjá þessa frétt í svolítið öðru ljósi þar sem hún kemur frá varnarmálaráðuneyti Bandaríkjanna sem er ekkert sérstaklega þekkt fyrir jarðfræðikunnáttu og það hefur verið bent á að engar tölur eru til um hversu auðvelt væri að ná þessu úr jörðu og þar með ekkert í hendi um hvort nokkuð af þessu er vinnanlegt eða hagkvæmt.  Má t.d. nefna að talið er að á Norðursjávarsvæðinu séu 250 milljarða dollara verðmæti í gulli en enn sem komið er er engin tækni til sem gerir það hagkvæmt að vinna þetta gull.

Kveðja,

 

Ofboðsleg verðmæti í jörðu

Ómöguleg frétt...

"Óháður utanaðkomandi aðili hefur hafið rannsókn á aðkomu Gunnars Þ. Andersens, forstjóra Fjármálaeftirlitsins, að máli sem varðar aðkomu fjárfestingarfélagsins LB Holding að fjármögnun Kaupþings á eigin bréfum árið 2001."

Það er alveg óþolandi þegar fréttir eru skrifaðar þannig að það er ekki fyrir nokkurn lifandi mann að botna þær!  Aðeins stytt er þetta eitthvað á þessa leið: "Rannsókn einhvers er hafin á aðkomu Gunnars að máli sem varaðar aðkomu LB Holding á fjármögnun Kaupþings á eigin bréfum."

Annað hvort á að skrifa fréttir eða láta það vera!  Hver er þessi "óháði utanaðkomandi aðili"?  Einhver pjakkur úti í bæ?  Sérstakur saksóknari?  Serious Fraud Office?  Var þessi "aðkoma" Gunnars sem forstjóra FME eða í fyrra starfi?  Voru þessi "eigin bréf" bréf Kaupþings eða bréf LB Holding?  Hausinn á mér bara hringsnýst við að fá botn í þetta!!!

Ef hér er eitthvað sem gæti talist ámælisvert hlýtur Gunnar að víkja starfi umsvifalaust.  Það er einfaldlega ekki hægt að það sitji maður sem forstjóri FME, sem liggur undir minnsta votti af grun um nokkurskonar fjármálamisfellu.  Það bara einfaldlega gengur ekki.

Kveðja,

 

Rannsókn hafin á máli Gunnars

Fjárfesting???

Af hverju í ósköpunum ættu lífeyrissjóðir eða aðrir fjárfestar að hafa áhuga á marggjaldþrota fyrirtæki, sem hefur ekki sýnt að þar sé nokkur maður með peningavit undanfarna áratugi?  Eftir þessa menn liggur slóð gjaldþrota og hamingjan má vita hvað annað á eftir að koma upp úr pokahorninu.  Hundruð milljarða sem láku út úr Glitni í vasa þessara manna hurfu og allt eigið fé fyrirtækja sem þeir hafa komið að hefur gufað upp.  Ef einhver sér góðan fjárfestingarmöguleika í svona rugli þá er eitthvað mikið að.  Ef ég væri að setja peninga í fyrirtæki á Íslandi, þá væri Hagar síðasta fyrirtæki sem ég kæmi nálægt, nákvæmlega sama hver svo sem "staða" fyrirtækisins væri sögð.  Glitnir var með góða "stöðu" viku áður en bankinn fór á hausinn.  Þar sást best "rekstrarvit" þessara manna.

Kveðja,

 

Enginn áhugi lífeyrissjóða á Högum

Ömurlegt málfar

Ég get bara ekki orða bundist.

"Lögreglan í Brasilíu og Frakklandi hófu fyrr í vikunni samstarf"  Annað hvort á þetta að vera "Lögreglan í Brasilíu og Frakklandi hóf..."  eða "Lögregluyfirvöld í Brasilíu og Frakklandi hófu..."

 "Átak lögreglunnar felst í því að leitað er á alla farþega"

Ég hef nú ekki mikla trú á því að lögreglan leiti á farþegana, hef frekar trú á að hún "leiti á farþegunum" sem er svolítið annað;)

"Átak lögreglunnar felst í því að leiða er á öllum farþegum"

á þetta sennilega að vera.  mbl.is getur gert betur:)

Kveðja,

 

Líkamsleit á öllum farþegum

Bónusfé?

Spurning hvort þetta verður á boðstólum hjá Bónus?

Kveðja,

 

Stal 271 kind